Zaqatala rayon Yeni Suvagil kənd sakini, 27 yaşlı oğlan yanvarın 25-də saat 13:15-də rayon Mərkəzi Xəstəxanasının I Təcili və təxirəsalınmaz tibbi yardım şöbəsinə "pnevmoniya" diaqnozu ilə daxil olub. Həmin gün Terapiya şöbəsinə hospitalizasiya olunub, müayinə zamanı xəstədə "Gilyen Bar sindromu", "proqressivləşən polineyropatiya" aşkarlanıb.
Bu barədə Lent.az-a TƏBİB-dən bildirilib.
Qeyd olunub ki, yanvarın 26-da saat 01:10-da Reanimasiya şöbəsinə hospitalizasiya olunub, oksigen aparatına qoşulub, "proqressivləşən tetraparez", "Bulbar sindromu" diaqnozları təyin edilib, vəziyyəti kritik ağır olaraq dəyərləndirilib. Göstərilən bütün zəruri tibbi müdaxilələrə baxmayaraq, yanvarın 30-da saat 08:10-da ölüm faktı qeydə alınıb.
***
12:37
Zaqatalada daha bir nəfər qızdırmadan ölüb.
Lent.az xəbər verir ki, rayonun Yeni Suvagil kənd sakini, 1998-ci il təvəllüdlü Əhməd Şüay oğlu Əliyev yanvarın 26-da yüksək qızdırma ilə Zaqatala Mərkəzi Rayon Xəstəxanasına daxil olub. O, bu gün müalicə aldığı xəstəxanada dünyasını dəyişib.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
