Xızıda 3 nəfər buzlu yolda köməksiz qalıb

Bu gün Fövqəladə Hallar Nazirliyinin “112” qaynar telefon xəttinə Xızı rayonunda “Niva” markalı minik avtomobil yolun buzlu olması səbəbindən köməksiz vəziyyətdə qalması barədə məlumat daxil olub. Lent.az-ın nazirliyin saytına istinadən verdiyi məlumata görə, dərhal müvafiq xilasetmə qüvvələri hadisə yerinə cəlb olunub. Yanğınsöndürən-xilasedicilər təhlükəsizlik qaydalarına riayət etməklə ”Niva” markalı minik avtomobilinin sürücüsünü və iki sərnişinin təhlükəsiz əraziyə çıxmalarını təmin ediblər. Əməliyyat saat 09:40-da başa çatıb.