Polis tələbə qızları vurub qaçan avtomobili axtarır

Ağcabədi rayonunda naməlum avtomobil 2 piyadanı vurub. Rayon Polis Şöbəsindən Lent.az-a verilən məlumata görə, Ağcabədi şəhəri ərazisində müəyyən edilməmiş avtomobillə yolu keçən rayon sakinləri 19 yaşlı Sevda Abdullayeva və 18 yaşlı Fatimə Tağıyeva vurulub. Piyadalar xəstəxanaya yerləşdirilib. Onların vəziyyəti orta-ağırdır.

Məlumata görə, hər iki qız Azərbaycan Pedaqoji Universitetinin Ağcabədi filialının tələbələridir. Faktla bağlı Ağcabədi RPŞ tərəfindən əməliyyat-axtarış tədbirləri aparılır.