Bakıda "Audi" 12 yaşlı oğlanı vurub öldürdü

Bakıda ölümlə nəticələnən yol qəzası baş verib. Lent.az xəbər verir ki, Suraxanı rayonu Bülbülə qəsəbəsi ərazisində Ələkbərzadə Ələsgər Müzəffər oğlu idarə etdiyi "Audi" markalı avtomobillə 2005-ci il təvəllüdlü Mahmudov Davud Teymur oğlunu vurub. Ağır xəsarət alan 12 yaşlı oğlanın həyatını xilas etmək mümkün olmayıb.

Faktla bağlı Suraxanı rayon Polis İdarəsində cinayət işi açılıb, araşdırma aparılır.