Azərbaycan ordusu cəbhə xəttində daha bir itki verib. Hərbi mənbələrdən Lent.az-a verilən məlumata görə, aprelin 8-də axşam saatlarında cəbhə xəttinin Ağdam rayonu istiqamətində, Sarıcalı kəndi yaxınlığında erməni hərbi birləşmələrinin atəşkəsi pozması nəticəsində Milli Ordunun hərbçisi 1988-ci il təvəllüdlü Məmmədov Şəhriyar Bayramqulu oğlu şəhid olub. Ş.Məmmədov baş nahiyəsindən aldığı güllə yarasından hadisə yerindəcə keçinib.
Məlumata görə, şəhid olmuş hərbçimiz Naxçıvanda anadan olubmuş.
Müdafiə Nazirliyinin mətbuat xidmətindən APA-ya bildirilib ki, hadisə dünən saat 20.00 radələrində qoşunların təmas xəttinin Ağdam rayonunun Kəngərli kəndi istiqamətində baş verib. N saylı hərbi hissənin leytenantı, 1988-ci il təvəllüdlü Məmmədov Şəhriyar Bayramqulu oğlu atəşkəsin pozulması nəticəsində şəhid olub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
