Qazaxıstanın Karaqanda vilayətində iki polis əməkdaşı işgəncəyə görə məhkum edilib.
Lent.az yerli mediaya istinadla bildirir ki, Karaqanda Vilayət Prokurorluğunun İstintaq Təhqiqat İdarəsi polis əməkdaşlarının şahidə qarşı işgəncə verməsi ilə bağlı cinayət işini araşdırıb.
İstintaqın məlumatına görə, şahid sağlamlığa orta ağır zərər vurma işi üzrə dindirilmək üçün polisə çağırılıb. Ofisdə iki əməliyyatçı cinayəti etiraf etmək üçün ona psixoloji təzyiq göstərərək, bədən xəsarətləri yetiriblər.
Nəticədə Karaqanda vilayətinin cinayət işləri üzrə ixtisaslaşdırılmış rayonlararası məhkəməsi kriminal polis idarəsinin böyük əməliyyatçılarını Qazaxıstan Respublikası Cinayət Məcəlləsinin 146-cı maddəsinin 2-ci hissəsinin 1-ci bəndi ilə təqsirli bilib və onları 3 il müddətinə azadlıqdan məhrum edib.
Karaqanda Vilayət Məhkəməsinin cinayət işləri üzrə məhkəmə kollegiyası hökmü dəyişdirilmədən saxlayıb, apellyasiya şikayətləri təmin edilməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
