Keçmiş vəkil Ruhid Əkbərovun Bakı Ağır Cinayətlər Məhkəməsində külli miqdarda dələduzluq etmə maddəsi ilə məhkəmə prosesi yekunlaşıb.
Lent.az-ın məlumatına görə, bu gün Bakı Ağır Cinayətlər Məhkəməsində hakim Azad Məcidov məhkəmə istintaqını yekunlaşdıraraq hökmü elan edib.
Ruhid Əkbərov məhkəmə zalından həbs edilərək 6 il 4 ay azadlıqdan məhrum edilib.
Cinayət Məcəlləsinin 178.3.2-ci maddəsi ilə təqsirləndirilən Ruhid Əkbərov həbsxanada olarkən öz məhkum yoldaşından onun məhkəmə işini həll etmək üçün 53 min manat pul alıb. Ancaq vədinə əməl etməyib.
Qeyd edək ki, 13 saylı Vəkil Bürosunun vəkili olmuş Əkbərov Ruhid Rəşid oğlu bundan öncə də dələduzluq maddəsi ilə həbs olunub və 2021-ci il mart ayının 11-də Bakı Ağır Cinayətlər Məhkəməsinin hökmü ilə 3 il müddətinə azadlıqdan məhrum edilib.
O, həmin vaxt iki vətəndaşa qarşı 50 min manatdan çox dələduzluq etməkdə təqsirli bilinirdi.
Xatırladaq ki, Ruhid Əkbərov 2018-ci ildə Türkiyədə saxlanılıb.
O, həbsdə olan sabiq deputat, “Quska” ləqəbli Hüseyn Abdullayevin cinayət işi üzrə istintaqın ilkin mərhələsində vəkili olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
