Başqırdıstanda iş adamı Stanislav Kulikov turistləri döyüb.
Lent.az Rusiya mediasına istinadla bildirir ki, hadisə İqlinski rayonunda baş verib. İş adamı həyat yoldaşına məxsus çimərlikdə istirahət edən ailəni döyməkdə ittiham olunur. Müstəntiqlərin sözlərinə görə, o, turistləri qovmaq qərarına gəlib və onlara hücum edib. Lakin Kulikovun yaxınları onun sadəcə olaraq həyat yoldaşını müdafiə etdiyini iddia edirlər.
Kulikov saxlanılıb və xuliqanlıqda ittiham olunub.
Qeyd olunur ki, Başqırdıstanda müəyyən dairələrdə “Gevorik Neftekamski” kimi tanınan “qanuni oğru” Gevorq Qriqoryan tanışı olan Stanislav Kulikova 2022-ci ildə respublika ərazisində “nəzarətçi” statusu verib. Hazırkı ittihamından əlavə bu “taclandırma”da iş adamı üçün ağırlaşdırıcı hal kimi qiymətləndirilə bilər. Yerli media bildirir ki, hər iki ittiham əsasında Kulikovu 15 ilə qədər həbs cəzası gözləyir.
Gevorq Qriqoryan
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
