Gəncə və Şəmkir rayonlarında avtomobil piyadanı vurub.
Daxili İşlər Nazirliyindən Lent.az-a verilən məlumata görə, iyulun 20-də saat 21 radələrində Gəncə şəhəri ərazisində şəhər sakini B.Verdiyev idarə etdiyi “VAZ-21065” markalı avtomobillə yolu keçən şəhər sakini Ramiz Novruzovu vurub.
Nəticədə xəsarətlə xəstəxanaya yerləşdirilən piyada orada ölüb.
Gəncə Şəhər Baş Polis İdarəsində araşdırma aparılır.
Şəmkir rayonunda isə iyulun 20-də saat 7 radələrində Şəmkir şəhəri ərazisində şəhər sakini E.Həsənov idarə etdiyi “VAZ-2106” markalı avtomobillə yolu keçən həmyerlisi Telnaz Qasımovanı vurub. Nəticədə xəsarətlə xəstəxanaya yerləşdirilən piyada orada ölüb.
Şəmkir Rayon Polis Şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
