Ekstrasens pişiyini 18-ci mərtəbədən atdı

Özünü ağ sehr üzrə mütəxəssis adlandıran 40 yaşlı Sergey Proskuryakov sərxoş olub və pişiyini 18-ci mərtəbədən atıb.

Lent.az Rusiya mediasına istinadla bildirir ki, hadisə Sankt-Peterburq şəhərinin Sredneroqatskaya küçəsində baş verib. Güman edilir ki, bu yaxınlarda o, spirtli içki və narkotik maddələr qəbul edib. Bundan sonra mənzili dağıdıb, əşyaları və məişət texnikasını pəncərədən atmağa başlayıb. Sonra isə pişiyini 18-ci mərtəbədən atıb. Nəticədə 3 yaşlı heyvan ölüb.

Kişi bütün prosesi kameraya çəkib. Evə qayıdan həyat yoldaşı dağıntıları görüb və polisə müraciət edib. Sergey hüquq-mühafizə orqanlarının əməkdaşlarını tamamilə çılpaq şəkildə qarşılayıb. O, geyinməkdən imtina edib. Onu elə bu formada şöbəyə aparıblar.

Qonşular deyiblər ki, kişi mütəmadi olaraq “alkoqol ayinləri” aparır. Bəzən o, bıçaqla girişin ətrafında qaçır. Həyat yoldaşı boşanmağı planlaşdırır və qeyri-adekvat olanı evdən çıxarmağı xəyal edir.

Proskuryakov özünü "ağ sehrli mütəxəssis" kimi təqdim edir, onun fikrincə, o, "mənfi məkanı təmizləyir".