Cəbrayıl şəhərinin işğaldan azad edilməsindən 3 il ötür
04 oktyabr 2023 00:05 (UTC +04:00)

Cəbrayıl şəhərinin işğaldan azad edilməsindən 3 il ötür

Cəbrayıl şəhərinin işğaldan azad edilməsindən 3 il ötür.

Lent.az-ın məlumatına görə, Azərbaycan Ordusunun 2020-ci il sentyabrın 27-də başladığı əks-hücum nəticəsində aparılan uğurlu döyüş əməliyyatları ilə oktyabrın 4-də Cəbrayıl şəhəri erməni işğalından azad edilib.

Döyüşlərin ilk günündə cəbhəni yaran Azərbaycan Ordusu düşməni geri çəkilməyə məcbur edib. Bir neçə gün ərzində Cəbrayıl rayonunun xeyli kəndi işğaldan azad olunub.

Cəbrayıl şəhərinin işğaldan azad edilməsini isə Azərbaycan Prezidenti, Ali Baş Komandan İlham Əliyev oktyabrın 4-də xalqa müraciətində elan edib.

Prezident müraciətində oktyabrın 4-də Cəbrayıl şəhəri ilə yanaşı, Cəbrayıl rayonunun daha doqquz kəndinin - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Decal, Mahmudlu və Cəfərabadın işğalına da son qoyulduğunu bildirib.

Cəbrayıl 44 günlük Vətən müharibəsində işğaldan azad edilən ilk rayon olub. Cəbrayıl əməliyyatı nəticəsində Ermənistan ordusunun xeyli canlı qüvvəsi və texnikası məhv edilib.

Artıq 4 oktyabr Cəbrayılın işğaldan azad edildiyi gün kimi tarixə düşüb.

Azərbaycan Respublikasında “Cəbrayılın azad olunmasına görə” medalı təsis olunub.

Prezident İlham Əliyevin sərəncamı ilə Cəbrayıl rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin hərbi qulluqçuları “Cəbrayılın azad olunmasına görə” medalı ilə təltif ediliblər.

Prezident İlham Əliyevin bu il imzaladığı Sərəncamla 4 oktyabr – Cəbrayıl şəhəri günü kimi təsis edilib.

Xatırladaq ki, Cəbrayıl rayonu 1993-cü il avqustun 23-də Ermənistan Silahlı Qüvvələri tərəfindən işğal edilmişdi. Ermənilər işğal müddətində Cəbrayıl şəhərini və rayonun kəndlərini dağıdıb, mədəni, tarixi, dini abidələri, qəbiristanlıqları yerlə bir edib, ekoloji terror törədib.

# 1551
avatar

Oxşar yazılar

Pərvin Abıyevanın Azərbaycandan çıxışına QADAĞA

Pərvin Abıyevanın Azərbaycandan çıxışına QADAĞA

8 dekabr 2023 , 18:00
Zaqatala xəstəxanasında KORRUPSİYA:  cinayət işi açıldı

Zaqatala xəstəxanasında KORRUPSİYA: cinayət işi açıldı

8 dekabr 2023 , 17:49
Cəsarət Valehov işdən çıxarıldı

Cəsarət Valehov işdən çıxarıldı

8 dekabr 2023 , 17:40
Şuşaya prokuror təyin olundu

Şuşaya prokuror təyin olundu

8 dekabr 2023 , 17:22
3 qız dostunu tualetdə döydü - VİDEO

3 qız dostunu tualetdə döydü - VİDEO

8 dekabr 2023 , 17:18
Bakı həbsxanasında məhkum öldü

Bakı həbsxanasında məhkum öldü

8 dekabr 2023 , 16:05
Aktrisaya qarşı 20 milyonluq  DƏLƏDUZLUQ

Aktrisaya qarşı 20 milyonluq DƏLƏDUZLUQ

8 dekabr 2023 , 15:54
Görüşə tələsən polis xidməti maşını  oğurladı

Görüşə tələsən polis xidməti maşını oğurladı

8 dekabr 2023 , 14:50