Bakının Nəsimi rayonunda ağır yol- nəqliyyat hadisəsi zamanı üç nəfər xəsarət alıb.
APA xəbər verir ki, hadisə Rəşid Behbudov və 28 may küçələrinin kəsişməsində qeydə alınıb.
Belə ki, kəsişmədə iki motosiklet keçərkən “Changan” və “Toyota” markalı maşınlara çırpılıb.
Qəza nəticəsində motosikletlərin sürücüləri və sərnişin; 2002-ci il təvəllüdlü Tağıyev Zeynalabdin Elçin oğlu, 1989-cu il təvəllüdlü Məhərrəmov Sehran Əli oğlu və 1991-ci il təvəllüdlü Allahverdiyev Vüsal Kamil oğlu ağır xəsarət alıb. Yaralılar Kliniki Tibbi Mərkəzə yerləşdirilib.
Onlar cərrahi əməliyyat edildikdən sonra xəstəxananın reanimasiya şöbəsinə yerləşdirilib.
Həkimlərin verdiyi məlumata görə, üç yaralı xəstəxanaya yerləşdirilib. Onlardan ikisinin ayaq sümükləri sınıb.
Faktla bağlı Nəsimi Rayon Polis İdarəsinin əməkdaşları araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
