Azərbaycanda XÜSUSİ ƏMƏLİYYAT:  10 məmur HƏBS EDİLDİ
09 iyun 2022 10:45 (UTC +04:00)

Azərbaycanda XÜSUSİ ƏMƏLİYYAT: 10 məmur HƏBS EDİLDİ

Respublikanın bəzi şəhər və rayonlarında torpaqların özəlləşdirilməsi zamanı  qanunsuz əməllərə yol vermiş Əmlak Məsələləri Dövlət Xidmətinin və bələdiyyələrin vəzifəli şəxsləri məsuliyyətə cəlb ediliblər.

Baş Prokurorluqdan Lent.az-a verilən məlumata görə, İqtisadiyyat Nazirliyi yanında Əmlak Məsələləri Dövlət Xidmətinin və bələdiyyələrin vəzifəli şəxslərinin qanunsuz əməlləri ilə əlaqədar Baş prokuror yanında Korrupsiyaya qarşı Mübarizə Baş İdarəsində cinayət işi üzrə istintaq aparılıb. Nəticədə Dövlət Xidmətinin Şirvan şəhər şöbəsinin rəisi Nazim Səfərov, Ucar ərazi şöbəsinin rəisi Amil Aslanov, Qazax rayonu Daşsalahlı bələdiyyəsinin sədri Asif Yusifov, Şəki rayon Qoxmuq bələdiyyəsinin sədri Etibar Eyvazov və Kürdəmir Rayon İcra Hakimiyyəti başçısı Aparatının Sosial-İqtisadi İnkişafın təhlili və proqnozlaşdırılması şöbəsinin müdir müavini Ruslan Əliyevin daha əvvəl iş üzrə cəlb edilmiş təqsirləndirilən şəxslərlə birlikdə cinayətkar fəaliyyətdə iştirak etmələri müəyyən edilib.

Belə ki, qeyd edilən şəxslərin 2020-2022-ci illər ərzində Torpaqların dövlət idarəetməsinin təşkili və geodeziya şöbəsinin sektor müdiri İldırım Məmmədov və digər təqsirləndirilən şəxslərlə qabaqcadan əlbir olaraq xidməti vəzifələrinin icrası ilə əlaqədar bələdiyyə mülkiyyətində olan torpaq sahələrinin mülkiyyətə, istifadəyə və icarəyə verilməsinə dair müsbət rəyin verilməsinə görə ayrı-ayrı şəxslərdən müxtəlif məbləğlərdə pul vəsaitlərini rüşvət qismində almalarına əsaslı şübhələr müəyyən edilib.

İstintaq zamanı toplanmış sübutlarla yuxarıda adları qeyd edilən şəxslərə (cəmi 10 təqsirləndirilən şəxsə) Cinayət Məcəlləsinin 308.2 (vəzifə səlahiyyətlərindən sui-istifadə etmə ağır nəticələrə səbəb olduqda), 311.3.1, 311.3.2, 311.3.3 (rüşvət alma külli miqdarda törədildikdə), 312.1 (rüşvət vermə) və digər maddələri ilə ittiham elan edilməklə barələrində həbs, ev dustaqlığı və digər qətimkan tədbirləri seçilib.

Hazırda qanunsuz əməllərə yol vermiş digər vəzifəli şəxslərin müəyyən edilərək məsuliyyətə cəlb edilməsi istiqamətində istintaq davam edir.

1 2 3 4 5 İDMAN XƏBƏRLƏRİ
# 6048
avatar

Mehman Nəbiyev

Oxşar yazılar

Qızlara nalayiq suallar verən azərbaycanlı fenomen  TUTULDU

Qızlara nalayiq suallar verən azərbaycanlı fenomen TUTULDU

19 iyun 2024 , 11:20
Qusarda uşağı maşın vurub öldürdü

Qusarda uşağı maşın vurub öldürdü

19 iyun 2024 , 10:41
Balakənli gənc Zaqatalada çayda boğuldu

Balakənli gənc Zaqatalada çayda boğuldu

19 iyun 2024 , 10:27
Vergidən yayınan zavod direktoru Azərbaycanda saxlanıldı

Vergidən yayınan zavod direktoru Azərbaycanda saxlanıldı

19 iyun 2024 , 10:17
Sumqayıtda 18 yaşlı gənc özünü asdı

Sumqayıtda 18 yaşlı gənc özünü asdı

19 iyun 2024 , 09:49
Təyyarədə hadisə; sərnişin polisi dişlədi

Təyyarədə hadisə; sərnişin polisi dişlədi

19 iyun 2024 , 02:15
Kürdəmirdə maşın aşdı, 3 nəfər öldü  - YENİLƏNİB

Kürdəmirdə maşın aşdı, 3 nəfər öldü - YENİLƏNİB

18 iyun 2024 , 19:41
19 yaşlı oğlan Araz çayında batdı

19 yaşlı oğlan Araz çayında batdı

18 iyun 2024 , 18:42