Tovuzda yanacaqdoldurma məntəqəsinə silahlı basqın
27 iyul 2009 20:30 (UTC +04:00)

Tovuzda yanacaqdoldurma məntəqəsinə silahlı basqın

Azərbaycanın Tovuz rayonunda yanacaqdoldurma məntəqəsinə silahlı basqın olub.

Bu barədə APA-ya Tovuz Rayon Polis Şöbəsindən məlumat verilib. Hadisə bu gecə rayonun M. Musayev küçəsində yerləşən “Qara Petrol” yanacaqdoldurma məntəqəsində baş verib. Rayon sakini, 1961-ci il təvəllüdlü Səməd Abbasəli oğlu Səfiyev adıçəkilən yanacaqdoldurma məntəqəsinə gələrək orada operator işləyən 1982-ci il təvəllüdlü Seymur Səmərxan oğlu Aslanovla mübahisə edib.

Sonra isə özü ilə gətirdiyi ov tüfəngi ilə S. Aslanova atəş açıb. Xoşbəxtlikdən güllə S. Aslanova dəyməyib. Dərhal hadisə yerinə rayon Polis Şöbəsinin əməkdaşları çıxıb və hadisəni törədən S. Səfiyev saxlanılıb. İlkin araşdırma zamanı hadisənin namus üstündə baş verdiyi məlum olub.

Faktla bağlı araşdırma aparılır.
# 764

Oxşar yazılar