Özünü öldürmüş televiziya aparıcısının qeyri-adi FOTOLARI

Fotolarda “Lətiflə lətifələr”, “Gon Bullar”kimi yumoristik verilişlər hazırlayan bəstəboy, kök, həyat dolu gənc qarşımıza çıxır.

Qeyd edək ki, 1990-cı il təvəllüdlü Lətif Lətifov özünü bıçaqlayaraq intihar edib. 22 yaşlı oğlan bıçaqla özünə çoxsaylı xəsarətlər yetirib və hadisə yerindəcə keçinib.

L.Lətifov Yevlaxda fəaliyyət göstərən regional “EL” televiziyasının aparıcısı olub. 22 yaşlı oğlan dünən Şəkidən Yevlaxa gəlib və intihar edib. Lent.az-ın əldə etdiyi digər məlumata görə, L.Lətifov Yevlaxda, “El” televisiyazı ilə yanaşı Şəkidə fəaliyyət göstərən “Kanal S” televiziyasında yayımlanan yumor verilişinin aparıcısı imiş. İntihar edən aparıcının verilişi “Lətiflə lətifələr” adlanıb. Veriliş həmişə bu sözlərlə başlayırmış: “Deyirlər gülüş ömrü uzadır! Bizim də belə bir layihəni ərsəyə gətirməkdə əsas məqsədimiz insanların üzündə gülüş, təbəssüm yaratmaqdır. Verilişdə gülməli kadrlar, maraqlı mövzular, telefon zəngləri, o cümlədən SMS-lər qəbul olunur”.

O dünən Şəkidə həftədə bir dəfə yayımlanan verilişin çəkilişində olub və Yevlaxa qayıdıb. Onun qan içində olan meyiti yaşadığı evin hamamında aşkarlanıb.

Faktla əlaqədar cinayət işi başlayıb, araşdırma aparılır.

Nizam Rza