Sevgi və sirrlər haqqında gərgin süjetli seriallar axşamınızı həyəcanlı və unudulmaz edəcək. Bu seriallar insan münasibətlərinin qaranlıq tərəflərini araşdırır və insanların ehtiras və ya sirrlərini qorumaq naminə nələrə getməyə hazır olduqlarını göstərir.
Lent.az ilk seriyalardan etibarən tamaşaçını özünə cəlb edən serialların siyahısını təqdim edir.
“Obsessiya”
Britaniya mini-serialı uğurlu cərrah Uilyamın hekayəsini danışır. O, oğlunun nişanlısı ilə təhlükəli münasibətə başlayır. Bu qadağan olunmuş ehtiras tezliklə sağlam olmayan bir asılılığa çevrilir və iştirak edən hər kəsin həyatını məhv edir.
“Əxlaqsız baxış”
Bu Braziliya erotik trilleri haker Mirandanın həyatından bəhs edir. Onun seks işçisi olan qonşusu yoxa çıxandan sonra Mirandanın həyatı tamamilə dəyişir. O, sirləri açmaq və cinayətkarı ifşa etmək üçün təhlükəli bir oyuna girməyə məcbur olur.
“Zərərli cazibə”
Cənubi Afrika trilleri bir professor qadının həyatını təsvir edir. O, evliliyindəki böhrandan sonra səyahətə çıxır və orada gənc bir kişi ilə ehtiraslı münasibət qurur. Lakin bu təsadüfi macəra onun həyatını dəhşətli bir kabusa çevirir.
“Qalmaqal anatomiyası”
Uğurlu siyasətçinin arvadı Sofinin həyatı alt-üst olur, çünki onun əri ictimai şəkildə şokedici bir cinayətdə ittiham olunur. Qəhrəman qadın ailəsini qoruyub saxlaya və həqiqətə çata biləcəkmi?
“Aldadıcı sevgi”
İtaliya mini-serialı uğurlu bir qadın ilə ondan çox gənc bir kişi arasındakı münasibətlərə diqqət yetirir. Lakin sevgi çox keçmədən təhlükəli manipulyasiya oyununa çevrilir.
“Gizli obsessiya”
Cennifer hücumdan sonra yaddaşını itirmiş vəziyyətdə xəstəxanada ayılır. Hadisədən sonra ona dəstək olan şəfqətli həyat yoldaşı kimi görünən kişi, əslində, tamamilə başqa birisidir və Cennifer çox keçmədən bu qorxunc həqiqəti anlamağa başlayır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
