Yataq otağınızdakı 7 əşya rahat yatmağınıza imkan vermir - Nə etməli?

Yataq otağı istirahət, enerji toplama və rahatlama üçün nəzərdə tutulmuş bir məkandır. Lakin bəzi dekorativ əşyalar yuxunun keyfiyyətinə mənfi təsir göstərə, narahatlıq hissi yarada və hətta təşvişə səbəb ola bilər.

Lent.az xarici mediaya istinadla yataq otağında hansı əşyalardan uzaq durmağın vacib olduğunu və onları nə ilə əvəz etməyin daha yaxşı olduğunu izah edir. Məqsəd – harmonik və rahat bir atmosfer yaratmaqdır.

7 əşya hansılardır?

1. Parlaq və aqressiv təsvirlər

Dalqınlı dəniz mənzərələri, neon rəngli posterlər və ya çox mürəkkəb abstrakt rəsmlər emosional gərginlik yarada bilər. Bu vizual xaos beynin tam rahatlamasına imkan vermir və yuxuya getməyi çətinləşdirir. Kəskin kontrastlı şəkillər və hərəkətli səhnələr narahat yuxulara səbəb ola bilər.

Nə ilə əvəz etməli?

Pastel tonlarda akvarel rəsmlər, təbiət mənzərələri və ya yumşaq xətlərə malik sakit təsvirlər daha uyğun seçimlərdir.

2. Çarpayının qarşısında böyük güzgülər

Güzgünün birbaşa çarpayı qarşısında yerləşdirilməsi narahatlıq yarada bilər. Gecə qəfildən oyananda öz əksinizdən qorxmaq ehtimalı var. Bundan başqa, güzgülər enerjini gücləndirir və bu da həmişə sakitləşdirici təsir göstərmir.

Alternativ variant:

Güzgünü yan divara yerləşdirin və ya dumanlı səthli dolablar seçin.

3. Kəskin və güclü qoxular

Sintetik ətirlər və ya həddindən artıq istifadə olunan efir yağları baş ağrısı və yuxusuzluq yarada bilər. Güclü çiçək, müşk və ya şirin qoxular xüsusilə yataq otağında yersizdir.

Nə seçmək olar?

Lavanda, sandal, vanil və ya yumşaq sitrus tonlarında təbii efir yağı şamları və ya yüngül difuzerlər daha uyğundur.

4. Həddindən artıq xırda aksesuarlar

Çox sayda kiçik əşyalar – fiqurlar, çərçivələr, suvenirlər – vizual qarışıqlıq yaradır və beyinə əlavə informasiya yükləyir. Nəticədə otaq istirahət yeri olmaqdan çıxıb muzeyə çevrilir.

Tövsiyə:

Yalnız sizin üçün mənalı olan bir neçə əşya saxlayın və minimalizmə üstünlük verin. Sadəlik sakitlik gətirir.

5. İşlə bağlı əşyalar və motivasiya yazıları

Yataq otağı iş yeri deyil. Noutbuk, gündəlik və ya “Daha çox işləsən, sonra dincələcəksən” kimi sitatlar tamamlanmamış işləri xatırladır və rahatlanmağa mane olur.

Əvəzində nə olsun?

Sevdiyiniz kitablar, şamlar, kiçik bitkilər və ya dekorativ aksesuarlar yerləşdirin. Bu, sakit atmosfer yaradacaq.

6. Çox parlaq rənglər

Yataq otağında çox parlaq rənglər kofe kimi təsir edir – əsəb sistemini aktivləşdirir. Qırmızı, tünd sarı və ya bənövşəyi tonlar görmə yorğunluğu yarada və narahatlıq hissi doğura bilər.

Alternativ:

Pudra çəhrayı, boz-mavi və ya yumşaq yaşıl kimi sakitləşdirici çalarlara üstünlük verin.