Özəl təmsilçinin Bayden və Lavrovla görüşəcəyi təsdiqləndi

BMT qurumun özəl təmsilçisi Lahdar Brahimi, ABŞ prezidentinin müavini Cozef Bayden və Rusiyanın xarici işlər naziri Sergey Lavrov arasında Suriya məsələsi üzrə danışıqların keçiriləcəyi planını haqda xəbəri təsdiqləyib.

Lent.az-ın «RİA-Novosti» -yə istinadən məlumatına görə, BMT təmsilçisi Eduardo del-Duey məsələ ilə bağlı deyib: «Bu gün (fevralın 1-də -red.) Brahimi Suriya müxalifətinin lideri Əhməd Müəz əl Xətiblə Münhendə keçirilən beynəlxalq konfrans çərçivəsində görüşüb. Sabah (fevralın 2-də-red.) o, Cozef Bayden və Sergey Lavrovla ikitərəfli görüş keçirəcək».

Suriya müxalifətinin lideri isə bir müddət öncə Bayden və Lavrovla görüşmək istəyini bildirmişdi.

Xatırladaq ki, Rusiya tərəfi bu xəbəri əvvəlcə təkzib etmişdi.