İƏT-in yeni baş katibi müəyyənləşib

Səudiyyə Ərəbistanının keçmiş mədəniyyət və informasiya naziri İyad Mədəni İslam Əməkdaşlıq Təşkilatının baş katibi postuna yeganə namizəddir. Bu barədə jurnalistlərə təşkilatın hazırkı baş katibi türkiyəli Ekmələddin İhsanoğlu məlumat verib.

«Çadın nümayəndəsi namizədliyini geri götürdükdən sonra məsələ səudiyyəli namizədin xeyrinə həll olundu»- deyə, İhsanoğlu bildirib.

67 yaşli yeni baş katib bu gün seçiləcək və öz vəzifəsinin icrasına 2014-cü il yanvarın 1-dən başlayacaq.

İslam Əməkdaşlıq Təşkilatının qərargahı Səudiyyə Ərəbistanında yerləşsə də, bu ölkənin namizədi ilk dəfədir ki, baş katibi postuna seçilir.

İslam Əməkdaşlıq Təşkilatı 1969-cu ildə yaradılıb. Onun tərkibinə 57 dövlət daxildir.