Avropa Komissiyasının prezidenti Joze Manuel Barrozu bəyan edib ki, Krımda martın 16-da keçirilməsi planlaşdırılan referendum qeyri-qanunidir və Rusiya muxtar respublikanı ilhaq etmək cəhdlərinə son qoymalıdır.
APA-nın UNİAN-a istinadən verdiyi məlumata görə, belə bir bəyanatla Barrozu Avropa Parlamentində Rusiyanın Ukraynaya təcavüzünə həsr olunmuş dinləmələr zamanı çıxış edib.
“Tezliklə yaranmış böhrandan çıxış yolu tapılmalıdır. Bu, beynəlxalq hüquq normalarına əsaslanan siyasi həll variantı olmalıdır. Çünki indi olduqca gərgin vəziyyətdir. Ukrayna xalqı artıq kifayət qədər qan töküb, daha insanların həyatını riskə atmaq olmaz”, - deyə o vurğulayıb.
Barrozu həmçinin qeyd edib ki, Krımdakı referenduma qanuni don geyindirmək cəhdləri Ukrayna konstitusiyasına və beynəlxalq hüquq normalarına ziddir. “Aydındır ki, Krımdakı referendum qanunsuzdur”, - deyə o fikrini tamamlayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
