Ermənistanda avtomobilə silahlı basqın nəticəsində naməlum şəxslər təxminən 5,7 milyon dollar oğurlayıblar.
Lent.az xəbər verir ki, bu barədə Ermənistan İstintaq Komitəsi məlumat yayıb.
Hadisə Zvartnots hava limanı yaxınlığında yerləşən Parakar icmasına gedən yolda baş verib.
Tapança ilə silahlanmış 4 maskalı şəxs maşını saxlayıb, sürücünü və iki sərnişini zorla maşından çıxarıb, yerə yıxaraq əllərini qandallayıblar. Daha sonra onlar avtomobilin baqajındakı çantalardan 36 kiloqram ağırlığında 1,024 milyard dram (2,6 milyon dollardan çox) və 293 milyon rubl (3,1 milyon dollardan çox) dəyərində 3 qızıl külçəni oğurlayıblar.
Hadisə ilə bağlı quldurluq və odlu silah-sursatın qanunsuz dövriyyəsi maddələri ilə cinayət işi başlanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
