Meksikada 1999-cu ildə öz anası tərəfindən qaçırılan Andrea Mişel Reyes adlı uşaq tapılıb.
Lent.az xarici KİV-ə istinadla bildirir ki, Reyesin anası Roza Tenorio onun himayəsinə malik olmayıb. Qıza ABŞ-ın Nyu-Heyven şəhərində atası baxıb.
1999-cu ilin oktyabrında, uşağın iki yaşı tamam olanda Tenorio onu oğurlayıb. Onun Reyesi Meksikaya apardığı güman edilirdi. Uzun illər polis onu tapa bilməyib. Ata da boş yerə qızı axtarıb.
2023-cü ildə Nyu-Heyven polisi itkin uşaqla bağlı istintaqı yenidən başladıb. Tezliklə onlar eyni Reyes olduğunu iddia edən 27 yaşlı qadını tapıblar. DNT testi də bunu təsdiqləyib. 24 il sonra o, hələ də Meksikada yaşayırmış. Hazırda anası ilə münasibətinin necə olduğu məlum deyil. Onun atası ilə qovuşub-qovuşmadığı açıqlanmayıb.
Reyesin işi “Layihə 525” çərçivəsində araşdırılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
