Ermənilər türklərə necə baxır? - ARAŞDIRMA

Yaxud erməniləri müsbət obrazda təqdim etmək üçün növbəti kampaniya
TESEV 8 il ərzində apardığı erməni araşdırmasını tamamlayıb. “Cemaat-Birey-Yurttaş”ın araşdırması ermənilərin Ermənistana, diasporaya, Qriqoryan kilsəsinə, dinə və türklərə baxışını əhatə edir.
Lent.az-ın “ensonhaber.com” saytına istinadən verdiyi məlumata görə, araşdırma zamanı Günay Göksu Özdoğan, Füsun Üstel, Karın Karakaşlı və Ferhat Kentel çoxlu sayda erməni ilə görüşüblər.
Araşdırmanın açıqlanan nəticələri bu sorğunun sifarişli xarakter daşıdığı və ermənilərin məkrli planlarını yerinə yetirmək üçün yenə də hiyləgərliklə əsl üzlərini gizlətdiklərini ortaya qoyur.
Məsələn, araşdırmada qeyd olunur ki, ermənilərin 1915-ci il hadisələrinə baxışları öyrənilib. Ermənilər bildiriblər ki, həmin dövrdə bir dram yaşanıb və yəhudilərə qarşı etdiklərini qəbul edən almanlar kimi türklər də baş verənləri qəbul etməlidirlər.
Sorğu iştirakçıları təzminat məsələsini gözləmədiklərini dilə gətiriblər: “Ciddi hadisələr baş verib, daşnak ermənilər də müəyyən hərəkətlər ediblər. Bu hadisələrə qapılıb qalmaq lazım deyil. Amma soyqırımın olduğu etiraf olunmalıdır. Üzr istəmək gərək deyil, istədiyimiz torpaq və təzminat da deyil, sadəcə, baş verənlər etiraf olunmalıdır”.
Ermənilər iddia ediblər ki, guya böyük Ermənistan qurmaq kimi xəyalları yoxdur: “Bəli, Türkiyənin torpağında gözümüz var. Amma parçalayıb aparmaq yox, bu torpaqlarda yaşamaq istəyirik. 1915-ci il olmadı da deməyin”.
Sorğuya qatılanların 79.5 faizi türk dilini yaxşı bildiyini, yalnız 18 faizi erməni dilində yaxşı danışdığını dilə gətirib. Xüsusən gənclər arasında türkcə danışanlar çoxdur. Türkiyədəki ermənilər dillərinin itməsindən qorxurlar.
İstanbulda 50-yə yaxın kilsələri olan ermənilərin 11 faizi özünü dindar sayır. Ancaq kilsəyə yalnız 2 faizləri getmir, 98 faiz kilsəyə gedir. Bu da Qriqoryan kilsəsinin erməniləri birləşdirən bir qüvvə olduğunu bir daha təsdiqləyir.
Türkiyədəki ermənilər diasporun Türkiyə əleyhdarlığının ölkədəki ermənilərə yönəlik mənfi baxışlara yol açdığı qənaətindədirlər və diasporanın onları sevmədiyini düşünürlər.