Əhmədinejad Nazirlər Kabinetinin yeni tərkibini açıqladı

Siyahı parlamentdə təsdiqlənsə, 1979-cu ildən sonra ilk dəfə 3 qadın nazir olacaq

İran prezidenti Mahmud Ahmedinejad yeni nazirlərinin adını açıqlayıb. Hökumətin tərkibini parlament avqustun 30-a qədər təsdiqləməlidir.
Lent az-ın Türkiyə mətbuatına istinadən yaydığı məlumata görə, ikinci dəfə prezident postuna yiyələnən Mahmud Əhmədinejadın 21 nazirdən ibarət Nazirlər Kabinetində Manuçöhür Möttəki yenə də xarici işlər naziridir.
İqtisadiyyat naziri Şemsettin Hüseyni də öz yerini qoruyub. Köhnə kabinetdə müdafiə naziri postunu tutan Mustafa Muhammed Neccar daxili işlər naziri postuna gətirilib. Əvvəlki ticarət naziri Mesud Mirkazemi neft naziri postunu tutacaq.

Nazirlər Kabinetində 3 qadın nazir də var. Mahmud Əhmədinejad Sousan Keşavaz təhsil naziri, Fatima Acurlu sosial müdafiə və rifah naziri, Marziye Vahid Dastcerdi səhiyyə naziri görmək istəyir. Əgər parlament Nazirlər Kabinetinin tərkibini təsdiqləsə, 1979-cu il inqilabından sonra ilk dəfə hökumətdə qadın nazirlər olacaq.

Müşahidəçilər Mahmud Əhmədinejadın nazirlərinin siyahısında sosial müdafiə və rifah naziri görmək istədiyi Fatima Acurlunun namizədliyinin parlamentdə mübahisələrə yol açacağını proqnozlaşdırırlar. Çünki Fatima keçmişdə sabiq prezident Haşimi Rəfsəncanini və onun övladlarını korrupsiyada ittiham etdiyi üçün həbs edilmiş Abbas Palizdara açıq dəstək verib.

Nazirlər Kabinetinin digər üzvlərinə gəlincə, Əhmədinejad Riza Takipuru rabitə naziri, Haydar Muslişi kəşfiyyat naziri, Muhammed Abasi ticarət naziri, Sadık Haliliyanı kənd təsərrüfatı naziri, Hamid Behbahani nəqliyyat naziri, Ali Ekber Mehrabiyanı sənaye naziri, Kamran Daneşcunu elm naziri, Muhammed Hüseyni mədəniyyət naziri, Abdülrıza Şeyhülislamini iş naziri., Ali Nikzadı şəhərlərin inkişafı üzrə nazir, Mohammad Ali Abadini enerji naziri görmək istəyir.