Rusiya Qırğızıstana əlavə hərbi qüvvə yerləşdirir

Prezidentlər memorandum imzalayıblar
Qırğızıstan ərazisində Rusiyanın əlavə hərbi kontingenti yerləşdiriləcək və hər iki ölkənin hərbçilərinin hazırlanması üçün təlim mərkəzi yaradılacaq. Lent.az-ın “İnterfaks”a istinadən məlumatına görə, bu barədə Rusiya və Qırğızıstan prezidentləri Dmitri Medvedev və Kurmanbek Bakiyevin görüşündə imzalanmış memorandumda bildirilir. Yerləşdirilməsi nəzərdə tutulan hərbi kontingent bir batalyondan böyük olmauacaq.
Qırğızıstan ərazisində Rusiya birləşmiş hərbi bazasının statusu və saxlanması barədə razılaşmanın 2009-cu il noyabrın 1-dək imzalanması nəzərdə tutulur. Razılaşmanın 49 illiyə və hər 25 ildən bir avtomatik olaraq uzadılmaq imkanı ilə imzalanması planlaşdırılır.
Qeyri-rəsmi məlumatlara görə, qonşu Özbəkistanın rəhbərliyi Qırğızıstan ərazisində Rusiya hərbi bazasının yerləşməsinin qəti şəkildə əleyhinə çıxıb.