CAR prezidenti 5 dəfə evlənib, 6-cıya hazırlaşır...

Cənubi Afrika Respublikasının (CAR) prezidenti Ceykob Zuma 5-ci dəfə evlənib.
Lent.az-ın “vesti.ru” saytına istinadən verdiyi məlumata görə, prezidentin toy mərasimində 2 min nəfər qonaq olub və Ceykob Zuma toy rəqsini icra edib.
Ceykob Zuma CAR-da çoxarvadlılığı dəstəkləyən ilk prezidentdir. 4 arvadından 2-i hələ də onun hərəmxanasını tərk etməyib. Prezidentin ikinci arvadı vəfat edib. Üçüncü arvadı isə boşanandan sonra CR-ın xarici işlər naziri, daha sonra daxili işlər naziri olub.
Qeyd edək ki, bu dəfə evləndiyi 30 yaşlı arvadından Ceykob Zumanın artıq 3 uşağı var. CAR-dakı ənənəyə görə, evlənmə prosesi 2 il çəkir. Hələ 2 il əvvəl Ceykob Zuma yeni arvadının valideynlərinə bir sürü inək hədiyyə edib.
Prezidentin yaxınları deyib ki, bu, sonuncu evlilik deyil. Az əvvəl Ceykob Zuma növbəti nişanlısının valideynlərinə başlıq hədiyyəsini verib və yaxın 2 ildə növbəti toy rəqsini oynayacaq.