« Bəziləri mənə Yəmənin Ərdoğanı deyir»

Türkiyənin xarici işlər naziri Əhməd Davudoğlu Yəməndə səfərdə olub.

Lent.az-ın «Habertürk»-ə istinadən məlumatına görə, o, Sanada ölkənin baş naziri Məhəmməd Salem Basendva ilə görüşüb. Kamera önünə keçəndə Yəmən hökumətinin başçısı maraqlı açıqlama verib: «Bəzi insanlar burada mənə «Yəmənin Erdoğanı deyir».Mən bundan qürur duyuram».

Əhməd Davaudoğlu Türkiyənin baş naziri Rəcəb Taib Ərdoğanın xoş diləklərini M.Salem Basendvaya çatdırıb.

Yəmənin baş naziri cavabında deyib: «Mənim də salamlarımı ona yetirin. Mən onu çox sevdim. İstanbulda özü ilə yaxşı görüş keçirdim. Mənə çox təsir etdi. Sağollaşmaq üçün yanıma gəldi».

Türkiyəli nazir yəmənlilərin Türkiyənin qardaşı olduğunu bildirərək, deyib: «Yəmənin baş naziri, Türkiyənin baş naziri kimidir».

Basendva Türkiyə-Suriya sərhədində baş verənləri diqqətlə izlədiklərini, «Suriyadakı rejimin artıq getmək vaxtının çatdığını» söyləyib.
Danışıqların sonrakı hissəsi mətbuat üçün qapalı keçirilib.