Avropa məhkəməsi Rusiyanı cərimələyib

Avropa Məhkəməsi Rusiyaya qarşı bir milyon avrodan artıq məbləğdə iddia barədə qərar çıxarıb.

Lent.az-ın məlumatına əsasən, Moldovanın Dnestryanı bölgəsində yaşayan 170 ölkə vətəndaşı moldovan dilində məktəbin bağlanması və bu dilin kiril yazısı ilə tədris olunmasından İnsan Haqları üzrə Avropa Məhkəməsinə müraciət ediblər.

Onların iddiaları tanınmayan Dnestryanı bölgədə tətbiq edilən qanunlarla bağlıdır.

1992-ci ildə Moldovada bir dövlət dili elan olunub.1994-cü ildən isə ölkədə latın yazısına keçilməsi ilə bağlı qanun qəbul olunub. Həmin il Dnestryanı bölgədə moldovan dilində olan məktəb bağlanıb, bu dil məktəbdə kiril əlifbasında tədirs olunur.

Məhkəmə şikayətə baxaraq, qərara alıb ki, tanınmayan Dnestryanı bölgə Rusiyanın iqtisadi, maliyyə və siyasi yardımı olmadan bu sayaq fəaliyyət göstərə bilməzdi. Ona görə də qurum məsuliyyəti Rusiyanın daşıdığına dair qərar çıxarıb.

Həmin qərara əsasən, Kreml 170 nəfəri hər birinə dəyən zərbəyə görə 6 min avro, məhkəmə xərclərinə görə isə 50 avro ödəyəcək.

Rusiyanın Xarici İşlər Nazirliyi isə bu qərarın «siyasi məqsəd» daşıdığını bildirib.