«İranda vəziyyəti yalnız Xamneyi düzəldə bilər»

Lent.az-ın İranın informasiya vasitələrinə istinadən məlumatına görə, ölkənin mövcud böhranlı iqtisadi durumundan danışan Rəfsəncani İslam Respublikasının ali rəhbəri ayətullah Seyid Əli Xamneyi ilə aylıq görüşlərindən də danışıb: “Xalqın hakimiyyətə olan əvvəlki etimadını bərpa etmək ölkə rəhbəri ayətullah Xamneyidən asılıdır. Yalnız o, böhran və problemlərin aradan qaldırılması üçün ölkənin hazırkı siyasi kursunu düzgün istiqamətə qaytara bilər. Biz əvvəlki istiqamətə qayıtmalıyıq.
Hazırda ölkə idarəçiliyinə iradlar var. Mən bir neçə il bundan əvvəl də bu haqda ciddi xəbərdarlıq etmişdim. Bu cür idarəçiliyin sonunun yaxşı olmayacağı haqda xəbərdarlıq etmişdim. Bəziləri məni qərəzdə günahlandıra bilər. Ancaq belə deyil. Son 7-8 ildə neftdən 600 milyard dollarlıq gəlirimiz olub. Əgər bu məbləğ düzgün idarə olunsaydı, həmin müddətdə onun 200 milyard dollarını xərcləyər, qalanını isə ehtiyat kimi saxlaya bilərdik. Yaxud da istənilən sahəyə sərmayə qoya bilərdik.Onda anksiyalar bizə indiki kimi ziyan vura bilməzdi”.