Yağlı saçlardan necə qurtulmaq olar?

Bu aylarda saçların yağlanması bir çox insanın problemidir.

Lent.az xəbər verir ki, yağlı saç həm çirkin görünür, həm də bizi narahat edir.

Saçınızın əvvəlkindən daha sürətli yağlandığını hiss edirsinizsə, bu, bir neçə səbəbi var.

Yağlı saçlar, çox sebum istehsal etdikləri zaman yağ bezlərinin həddindən artıq aktiv olmasının nəticəsidir. Yağlı saçların ümumi səbəbləri qeyri-sağlam qidalanma, dərmanlar, düzgün olmayan saç baxımı, stress, hormonal dalğalanmalar və hava dəyişiklikləridir. Bundan əlavə, yağlanmaya səbəb olan təsirlər nə yediyinizdən tutmuş, necə hiss etdiyinizə və stress keçirdiyinizə qədər dəyişə bilər.

Bir neçə məsləhətə əməl etsəniz, yağlı saçlardan xilas ola bilərsiniz. Bunlar aşağıdakılardır:

Stressi azaldın

Stressli vəziyyətlərdə bədənimiz kortizol hormonu istehsal edir. Bədəndə onun səviyyəsi artdıqda, baş dərisi yağ bezlərinə stress verə bilər. Buna uyğun olaraq saçlarda daha çox sebum istehsal və ifraz olunacaq.

Şirniyyat və süd məhsullarından uzaq durun

Böyük miqdarda şirniyyat, süd məhsulları və qırmızı ət yemək baş dərisinin yağ bezlərində daha çox sebum istehsal edilməsinə səbəb olur. Yaxşılaşma görənə qədər bu qidaların qəbulunu bir müddət məhdudlaşdırmağa çalışın.

Vitaminlər qəbul edin

İmmunitet sisteminizi gücləndirmək və dərini tez bərpa etmək üçün dietinizə sink və beta-karoten əlavə etməyə çalışın.

Sulfatlardan çəkinin

Sulfat şampunun tərkibində köpük əmələ gətirən tərkib hissəsidir. Məhz bu, baş dərisinə zərər verə, onu təbii yağlardan məhrum edə bilər. Daha sonra dəri itirilənləri doldurmaq üçün daha çox yağ istehsal etməyə başlayacaq. Təəccüblənməyin, normal baş dərisi balanslaşdırılmış miqdarda yağı ifraz edir. İnsanlar ümumiyyətlə bu tip baş dərisi ilə bağlı heç bir problem yaşamırlar.