Saçları zədələyən, baş dərisi üçün son dərəcə təhlükəli saç düzümləri

Saçlara zərər verən və baş dərisi üçün təhlükəli olan saç düzümləri açıqlanıb.

Lent.az saçlara zərər verən modelləri təqdim edir:

Hansı saç düzümləri saçlara zərər verir?

Bərbərlər bəzi saç düzümlərini tez-tez etməyi tövsiyə etmirlər, çünki onlar saçların qırılmasına, tökülməsinə, baş dərisində qaşınma və kəpək yaranmasına səbəb ola bilər. Əksər qadınlar saçlarında müxtəlif eksperimentlər aparmağı, fərqli saç düzümləri və formalar yaratmağı sevirlər. Lakin bütün bu prosedurlar saçlar üçün təhlükəsiz deyil.

Saçları qırılmağa və tökülməyə aparan saç düzümləri

At quyruğu (ponytail). Bu saç düzümü çox populyardır, çünki onu etmək asandır və ümumi görünüşə eleqant bir effekt verir. Lakin unutmamaq lazımdır ki, bu saç düzümdə saçlar möhkəm şəkildə rezinlə sıxıldığı üçün qırılmalara məruz qalır və bu, saçların sağlamlığına mənfi təsir edir.

Hörüklər

Hörüklər əsrlər boyu populyarlığını itirməyən saç düzümlərindəndir. Onların çoxsaylı variantları mövcuddur. Ancaq hörüklər çox sıx hörüldüyünə və müxtəlif saç spreyləri ilə sabitlənildiyinə görə, bu saç düzümləri təkcə saçlara deyil, həm də baş dərisinə mənfi təsir göstərir.

Nəticədə qaşınma və kəpək yaranır. Bundan əlavə, bu cür saç düzümü saç follikullarına zərər verə bilər ki, bu da saç tökülməsinə səbəb ola bilər.

Tüklərin yuxarı daranması

Bu, saçlar üçün olduqca zərərli saç düzümüdür, çünki bu texnika saçların kök zonasına mexaniki təsir göstərir. Bu səbəbdən saçlar qırılır, ucları haçalanır və nəticədə kəsilmədən bərpa olunması mümkün olmur.

Saçların sağlamlığını qorumaq üçün bu tip saç düzümlərindən tez-tez istifadə etməmək tövsiyə olunur.