Qadınlara hansı kişilər daha çox xoş gəlir — saçlı, yoxsa keçəl?

Stereotiplərin əksinə olaraq, kişilərdə keçəl baş qadınlar arasında cazibədarlıq baxımından ikinci yeri tutub. Bu, son sorğunun nəticələrinə əsaslanır. Keçəl kişilər saçlı kişilərdən daha cazibədar hesab olunur. Bunun əsas səbəbi, qadınların keçəl başı sosial üstünlüyün təhlükəsiz və qəbul edilən forması kimi qəbul etməsidir.

Bu barədə Lent.az məlumat verir:

Araşdırma çərçivəsində mütəxəssislər 2000 qadını kişilərdə ən cəlbedici saydıqları xüsusiyyətlər barədə sorğuya cəlb ediblər. Ən populyar xüsusiyyət əzələli bədən olsa da, keçəl baş ikinci yerdə qərarlaşıb. Bu da Ceyson Steytem, Dveyn “Qaya” Conson və Vin Dizel kimi məşhurların niyə bu qədər sevilməsini izah edə bilər. Araşdırmanın sifarişçisi olan Illicit Encounters platformasının nümayəndəsi Cessika Leoni bildirib ki, cazibədarlıq “zövq məsələsidir”.

O əlavə edib: “Keçəl kişilər ən seksual kişi obrazlarından biridir”.

Baxmayaraq ki, bir çox kişi saç tökülməsinə görə narahatlıq keçirir, keçəllik bir sıra müsbət xüsusiyyətlərlə əlaqələndirilir. Tədqiqatlar göstərib ki, kişilərdə keçəllik təhlükəsiz sosial dominasiya forması kimi qəbul olunur. Həmçinin keçəl kişilər, saçlılarla müqayisədə daha sosial yetkin, ağıllı, savadlı və dürüst hesab olunurlar.

Sorğuda qadınların kişilərdə ən cəlbedici hesab etdikləri xüsusiyyətlər belə sıralanıb:

42% — əzələli bədən

40% — keçəl baş

38% — mavi gözlər

36% — saqqal

31% — tünd saç

30% — buruq saç

Digər populyar xüsusiyyətlər:

Hündür yanaqlar — 26%

Açıq rəng saçlar — 22%

Yaşıl gözlər — 21%

Sinədə tüklər — 18%

Tatular — 10%

Pirsinq — 7%

Bu nəticələr göstərir ki, kişilər ildə milyardlarla vəsait sərf edərək keçəlliklə mübarizə aparmaq əvəzinə, bunu qəbul edib sadəcə başlarını qırxa bilərlər. Qeyd edək ki, daha əvvəl kişiləri qadınlarda nə daha çox cəlb edir sualına cavab axtarılıb və məlum olub ki, bu nə xarici görünüş, nə də yaşla bağlıdır.