Kişiləri qaçırmamaq üçün ilk görüşdə bunları etməyin

Hər bir cinsin nümayəndəsi özü üçün ideal bir tərəfdaş tapmaq və onunla güclü, sağlam, uzunmüddətli münasibət yaşamaq arzusundadır. Ancaq bəzən belə insanı ilk görüşdə təsadüfən özündən qaçıra və ya hətta qorxuda bilərsiniz.

Lent.az xarici KİV-ə istinadən xəbər verir ki, buna görə də ilk görüşdə nəyi etməməyi bilmək vacibdir.

Alkoqol içmək

Əsəbi olsanız belə, alkoqol içərək rahatlamağa çalışmamalısınız. Bu, yalnız xoşagəlməz nəticələrə və yöndəmsiz vəziyyətlərə səbəb ola bilər.

Yaxınlıq etmək

Bu çox mübahisəli məsələdir. Ancaq ekspertlərin qeyd etdiyi kimi, bu cür davranış heç də həmişə sonda ciddi münasibətə səbəb olmur. Yenə də əvvəlcə tərəfdaşınızı yaxşı tanımaq daha yaxşıdır.

Pul və köhnə münasibətlər haqqında danışmaq

Partnyorun maddi vəziyyəti bəzi insanlar üçün həqiqətən də mühüm rol oynaya bilər. Ancaq mütləq tanışlığınızı belə suallarla başlamamalısınız. Bundan əlavə, ilk görüş zamanı keçmiş tərəfdaşları xatırlamağa və keçmiş əlaqələr təcrübələri haqqında danışmağa ehtiyac yoxdur.