Kişi 20 il əvvəl ölən arvadının səsini eşitdi - TƏSİRLİ VİDEO

Mütəxəssislərin səyi nəticəsində kişi hələ 2003-cü ildə dünyasını dəyişən mərhum həyat yoldaşının səsini eşidə bilib.

Lent.az xarici mətbuata istinadən xəbər verir ki, həyat yoldaşı Rubi 20 il əvvəl dünyanı tərk edərkən, əri Sten Bitona onu xatırladan səsinin qeydini saxlamaq qərarına gəlib. Sonra o, "Virgin Media"nın xidmətlərindən istifadə edərək bu səsli mesajı saxlayıb.

Müqaviləyə xitam verildiyi təqdirdə səs yazısı itəcəkdi. Lakin təəssüf ki, 2009-cu ildə telefon xəttində aparılan təmir işləri zamanı mərhumun səsi olan mesaj silinib.

Bu, Stendən çox qiymətli bir xatirəni əlindən alıb. Xüsusilə həyat yoldaşının ölümündən sonrakı ilk günlərdə bu səs yazısını mütəmadi dinlədiyi üçün qəzəblənib və sarsılıb.

Bundan əlavə, əgər özünü pis hiss edərsə, həmin səsli mesajı dinləyirdi. O yoxa çıxanda Biton ətrafdakılara bunun onun üçün nə qədər güclü zərbə olduğunu etiraf etməkdən qorxub.

Məlum olub ki, bu səs yazısı şirkətin arxivindən silinməyib. 14 ildən sonra "Virgin Media" komandası mesajı tapıb və kişi üçün onu bərpa edib.

"Onlar məni çox sevindirdilər. Bu səs çox gözəldir və mən düşündüm ki, həmişəlik itirilib", - Stan etiraf edib.