“Avropalı dostlar gördülər ki, Gürcüstanda hakimiyyət dəyişməsi baş versə də Avropa və NATO kursu dəyişməyib”. APA-nın Gürcüstan bürosunun məlumatına görə, bu sözləri bu gün Gürcüstan parlamentinin sədri David Usupaşvili Avronest Parlament Assambleyasının (PA) Siyasi məsələlər komitəsinin iclasında iştirakından sonra jurnalistlərə açıqlamasında bildirib.
O, ümidvar olduğunu bildirib ki, Vilnüs sammitində Gürcüstanla Avropa Birliyi arasında assosiativ sazişin imzalanması müsbət həll olunacaq. “Lakin bu sahədə hələ çox işlər görmək lazımdır. Bu istiqamətdə nazirlik çalışır. Qanunvericilik sahəsində də yüksək səviyyədə iş görmək lazımdır. Parlament buna hazırlaşır. Ona görə də biz çalışırıq ki, qəbul etdiyimiz qərarlar Avropa qanunvericiliyinə uyğun olsun. Bu, istər əmək qanunvericiliyində, istərsə də miqrasiya istiqamətində olsun, fərqi yoxdur. Avronest Gürcüstanı Avropaya yaxınlaşdırmaq üçün ən effektli institutlardan biridir.”
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
