“Şaurma N1”lə bağlı ifadə verən qazini belə döydülər – AİLƏSİNİN YANINDA
01 iyun 2022 11:32 (UTC +04:00)

“Şaurma N1”lə bağlı ifadə verən qazini belə döydülər – AİLƏSİNİN YANINDA

Qazi Ceyhun Məhərrəmov mayın 3-də axşam saatlarında yaşadığı evin girişində bir qrup şəxsin hücumuna məruz qalıb.

APA TV-nin qaynar xəttinə müraciət edən Ceyhun Məhərrəmov bildirib ki, bir qrup şəxs onu evinin qarşında, ailəsinin gözü önündə döyüb.
Ceyhun Məmmədovun sözlərinə görə, ondan “Şaurma N1” restoranının şəriki Aqil Babayevin cinayət işi üzrə istintaqa verdiyi ifadəni geri götürməyini tələb edirlər.
Ceyhun Məhərrəmovun deyir ki, ondan Aqil Babayevin adını “Şaurma N1“ restoranının şəriki qismində göstərməməyi tələb edirlər.

Xatırladaq ki,  “Şaurma N1” restoranının VÖEN və patent hüququ Ceyhun Məhərrəmova məxsusdur. Restoranlar şəbəkəsinin sahibləri arasında bir müddətdir ki, məhkəmə çəkişməsi davam edir.
Qeyd edək ki, sosial şəbəkələrdə Ceyhun Məhərrəmovun əslində qazi olmadığı haqqında məlumatlar yayılıb. Zərərçəkən bütün bu iddiaların əsassız olduğunu deyir. Çünki onun bu statusu barədə rəsmi sənədlər var, eyni zamanda “Şəhid ailələri, əlillər, müharibə veteranlarının müdafiəsi” İctimai Birliyinin üzvüdür. Cəmiyyətə üzv olan digər Vətən müharibəsi iştirakçıları da Ceyhun Məhərrəmovun döyülməsini həssaslıqla qarşılayıblar. 

Hazırda isə Ceyhun Məhərrəmovun bir istəyi var. Bu işdə əli olan şəxslərin intintaqa cəlb edilməsi.
Ceyhun Məhərrəmov hadisə ilə bağlı polisə şikayət etdiyini bildirib.

APA TV olaraq, məsələ ilə bağlı Daxili İşlər Nazirliyinə sorğu ünvanladıq. DİN-in Mətbuat Xidmətinin şöbə rəisi Elşad Hacıyev bildirdi ki, hazırda müraciət üzrə müvafiq araşdırma aparılır. Araşdırmanın və ekspertiza rəyinin nəticəsindən asılı olaraq əmələ hüquqi qiymət veriləcək.

 

# 20400
avatar

Oxşar yazılar