Rusiya və Amerika arasında nüvə müharibəsi nəyə səbəb ola bilər?

Alimlər Rusiya Federasiyası ilə ABŞ arasında baş verə biləcək nüvə müharibəsinin nəyə gətirib çıxaracağını araşdırıblar.

Lent.az xəbər verir ki, “Future of Life Institute” qeyri-kommersiya təşkilatının alimləri ABŞ və Rusiya arasında proqnozlaşdırıla bilən nüvə münaqişəsinin simulyasiyasını həyata keçiriblər.

Videodan görünür ki, müharibənin təşəbbüskarı elə də önəmli deyil. Bir tərəf nüvə raketlərini buraxır, digər tərəf onları aşkar edir və zərbə nöqtəsinə qədər zərbə endirərək cavab verir. Norveçin qərbində ABŞ sualtı qayıqlarından atılan ballistik raketlər təxminən 10 dəqiqə ərzində Rusiyanı, Rusiya raketləri isə Kanadanın şimalından bir neçə dəqiqə ərzində ABŞ-ı vurmağa başlayır.

İlk zərbələr elektronika və elektrik şəbəkələrinə dəyəcək, bununla da hər metrdə on minlərlə volt gərginliyə malik elektromaqnit impulsuna səbəb olacaq. Sonrakı zərbələr komanda məntəqələrini və nüvə qurğularını məhv etməyə yönəlib. Yerdə yerləşdirilən qitələrarası ballistik raketlər buraxılış anından hədəfə çatana qədər təxminən yarım saat uçur.