Polis əməliyyat zamanı gülməli vəziyyətlə qarşılaşdı - VİDEO

ABŞ-ın Massaçusets ştatında polis qeyri-adi həbsin şahidi olub. Polisdən gizlənməyə çalışan 33 yaşlı Robert Lenqlet şanssız Şaxta baba kimi bacada ilişib qalıb.

Lent.az “Daily Star”a istinadən bildirir ki, hadisə Fall River şəhərində baş verib.

Polis əməkdaşları narkotik satmaqda və saxlamaqda şübhəli bilinən Lenqleti ələ keçirmək üçün evə gəliblər. Evin içərisində hərtərəfli axtarış etdikdən sonra onu tapmayıblar və onun mənzildən qaçış ssenariləri üzərində düşünməyə başlayıblar. Birdən dispetçer bildirib ki, qonşulardan biri zəng edərək həmin evin damından qəribə qışqırıq səsləri eşitdiyini deyib.

Dama çıxan polis Lenqletin çıxmağa çalışaraq bacada necə ilişib qaldığını görüb. Vəziyyət o qədər absurd görünüb ki, polislərdən biri "Sən axmaqsan!", deyə qışqırıb.

Hüquq-mühafizə orqanlarının əməkdaşları dərhal xilasediciləri və həkim briqadasını çağırıblar. Çox səydən sonra adamı dar oxdan çıxarıblar. Çətinliklərə baxmayaraq, Lenqlet yalnız cızıqlarla xilas olub.

O, saxlanılandan sonra tibbi müayinəyə göndərilib. Məhkəmə onun girov hüququ olmadan həbsxanada saxlanılmasına qərar verib. Uğursuz qaçmaq cəhdi Lenqleti yerli xəbər ulduzuna çevirib.