Dünən Bakıda, “Gülüstan” sarayında Azərbaycan Prezidentinin dəvəti ilə ölkəmizdə səfərdə olan Türkiyə Prezidenti Rəcəb Tayyib Ərdoğanın və xanımı Əminə Ərdoğanın şərəfinə dövlət ziyafəti verilib.
Lent.az-ın xəbərinə görə, ziyafətdə rəsmi şəxslərlə yanaşı tanınmış mədəniyyət xadimləri də iştirak ediblər.
Ziyafət zamanı məşhur müğənni, Xalq artisti Azərinin ifası xüsusi maraqla qarşılanıb. Onun ifasında çox eşitdiyimiz “Çırpınırdı Qara dəniz” mahnısı bu dəfə yeni aranjeman və yeni nfəsalə ifa olunub.
Belə ki, Azərin xanım mahnıya bir neçə yeni sətir əlavə edib. O, sonda “Azərbaycan bayrağını Qarabağdan asacağıq” cümləsini “Azərbaycan bayrağını Qarabağdan asmışıq biz” şəklində oxuyarkən dövlət başçıları ayağa qaxıb, möhtəşəm əsəri və ifanı ayaq üstə alqışlayıblar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
