Beynəlxalq hava yollarında çalışan təyyarə bələdçisi Mateuş Kovaleviç uçuş zamanı baş verən təhlükəli hadisə, təyyarəyə ildırım düşməsi ilə bağlı şəxsi təcrübəsini bölüşüb və ekipajın niyə dərhal hava limanına qayıtmaq qərarı verdiyini izah edib.
Hadisə haqqında məlumatı Lent.az xarici mediaya istinadla xəbər verir.
“Sanki biri gözümün içinə fotoaparatla işıq saldı”
Uşaqlıqdan səyahətə həvəsli olan və həyatını aviasiyaya bağlayan Kovaleviç həmin anı belə xatırlayır: “Bu elə hiss idi ki, sanki kimsə kameranın işığını birbaşa gözümün içinə tutdu”.
Parlaq işıqdan cəmi saniyələr sonra pilot kabinəsindən kursun dəyişdirilməsi və təyyarənin təcili olaraq Varşavaya geri dönməsi ilə bağlı komanda gəlib.
İldırım sərnişinlər üçün təhlükəli deyil, amma təyyarəyə zərər verə bilər
Mütəxəssislər bildirirlər ki, ildırım zərbəsi sərnişinlər üçün birbaşa təhlükə yaratmasa da, təyyarənin xarici örtüyünə və elektron sistemlərinə zərər verə bilər. Buna görə də belə hadisədən sonra məcburi texniki yoxlamalar aparılmalıdır.
Kovaleviç qeyd edir: “Təyyarə normal görünürdü, amma Romaya çatandan sonra təyyarənin istismardan çıxarıldığını öyrənməkdənsə, təhlükəsizlik naminə geri qayıdıb başqa təyyarə götürmək daha məntiqlidir”.
Təhlükəsizlik qərarı: standart prosedur
Ekipajın geri dönmək qərarı həm təhlükəsizlik, həm də texniki logistika baxımından standart prosedur sayılır. Təyyarə xarici zədələrə məruz qalmış ola bilər və bu cür risklər uçuş zamanı daha böyük problemlər yarada bilər.
Bort bələdçisinin işində ən çətin məqamlar
Kovaleviç bildirib ki, ildırım kimi fövqəladə hadisələr bəzən baş versə də, onun üçün ən çətin olan şey fasiləsiz saat qurşağı dəyişiklikləri, yuxu rejiminin pozulması və uzun transatlantik uçuşlarda adaptasiya çətinlikləridir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
