İspaniyanın ən gözəl şəhərində turistlər üçün çoxlu ev tikilir

Bu il İspaniyada yay turizm mövsümü yerli sakinlərin rifah hallarının pisləşməsində kütləvi turizmi günahlandıran genişmiqyaslı antiturizm etirazları ilə yadda qalıb. Bununla belə, Barselona və Kanar adaları turistlər tərəfindən qısa müddətli icarəyə məhdudiyyətlər tətbiq edərkən, İspaniyanın başqa mənzərəli kurort bölgəsi, əksinə, daha çox qonaq cəlb etməyə çalışır.

Lent.az xəbər verir ki, Qranada əyalətində yerləşən dənizkənarı Motril şəhərinin rəhbərləri yerli sakinlərin ehtiyaclarını ödəməklə yanaşı, turistləri cəlb etmək üçün daha çox mənzil tikmək niyyətində olduğunu açıqlayıb.

Qeyd olunur ki, Kosta Tropikalındakı bu mənzərəli şəhərciyin hakimiyyəti şəhər sakinləri üçün 1400-ə yaxın evin tikildiyini elan edib ki, bunun da üçdə biri aztəminatlı ailələr üçün nəzərdə tutulub. Tikinti işlərinə 2025-ci ildə başlanması planlaşdırılır.

Bu, şəhər şurasının turist axını fonunda dörd yeni otelin tikintisini təsdiqləməsindən sonra baş verir.

Şəhər uzun müddətdir ki, xarici əcnəbilər və ispan ikinci ev sahibləri arasında məşhurdur. Qranadanın Aralıq dənizi sahilində Sierra Nevada dağlarının cənubunda yerləşən Motril, il boyu günəş işığı və subtropik mikroiqlimi ilə tanınan məşhur turizm bölgəsidir.

Şəhərin tarixi min illərə gedib çıxır və orta əsrlərin əvvəllərində Motril müsəlman İspaniyasının cənub kənarında mühüm müdafiə limanına çevrilmişdi.

Ərəblər şəkər qamışı əkinçiliyi ilə məşğul olurdular. Bu da tez bir zamanda şəhərin əsas kənd təsərrüfatı ixracatına çevrilir və bu günə qədər belə qalır. Bildirilir ki, şəhərin sevimli içkisi olaraq ron palido və ya yüngül rom hesab olunur.