“WhatsApp”dan YENİLİK – Parolla söhbətləri bloklamaq olacaq

"WhatsApp" paroldan istifadə edərək söhbətləri bloklamaq üçün yeni funksiyasını təqdim edib.

Lent.az “WABetaInfo”a istinadən xəbər verir ki, yenilik artıq bəzi istifadəçilər üçün əlçatandır.

“WhatsApp”ın Android üçün 2.23.21.8 nömrəli beta versiyasında paroldan istifadə etməklə messencerdə çatları bloklamaq mümkün olub. Üstəlik, smartfonun kilidini açmaq üçün bir cihaz parolu, biometrik məlumat və ya paroldan fərqli kod istifadə etməklə söhbətlər bloklana bilər.

Söhbətləri əlavə parol ilə qorumaq imkanı, hətta kimsə cihazın ekran kilidi parolunu tapsa və smartfona giriş əldə etsə belə, yazışmaların təhlükəsizliyini əhəmiyyətli dərəcədə artırır. Bundan əlavə, bloklanmış söhbətlər parol daxil edərkən açılan ayrıca bölmədə göstərilir. Bu yolla təcavüzkarlar hətta gizli söhbətlərin siyahısını belə görə bilməyəcəklər.

Söhbətlərin bloklanması üçün parol təyinetmə funksiyası işlənmə mərhələsindədir və Android və iOS sistemlərində messencerin gələcək yeniləmələrindən birində “WhatsApp”ın stabil versiyalarının istifadəçiləri üçün əlçatan olacaq.