“Google” istifadəçiləri parollardan imtina etməyə çağırır

“Google” istifadəçiləri parollardan imtina etməyə çağırıb.

Lent.az xəbər verir ki, növbəti dəfə “Google” hesabınıza daxil olanda sizdən "daha sürətli, daha təhlükəsiz giriş" üçün keçid açarı quraşdırmanız tələb olunacaq.

Bu ilin may ayında “Google” öz xidmətlərinə yeni avtorizasiya metodunu – adi parolları əvəz etməli olan “giriş açarları” təqdim edib. Bu gündən etibarən şirkət standart olaraq bütün istifadəçiləri avtorizasiya üçün giriş açarı yaratmağı təklif edir.

“Google”un özünün izah etdiyi kimi, keçid açarları parollara sürətli, səmərəli və təhlükəsiz alternativdir. Onlar barmaq izi, üz tanıma və ya seçdiyiniz cihaz ekranının kilidini açmaq metodundan, məsələn, PIN koddan istifadə edərək hesablarınıza daxil olmağa imkan verir.

Həmçinin qeyd edilir ki, giriş açarları təkcə ənənəvi parolları deyil, həm də iki addımlı doğrulama və ya SMS vasitəsilə giriş yoxlaması kimi digər avtorizasiya sistemlərini də əvəz etməlidir.

“Google” kütləvi şəkildə giriş açarlarını təqdim edən ilk şirkət olub. Keçən il ərzində “Google” bir sıra məhsulları, o cümlədən Workspace və Cloud hesabları və Chrome brauzeri üçün keçid açarı dəstəyi təqdim edib. Bir çox aparıcı veb-saytlar və proqramlar da keçid açarlarını dəstəkləyir.