Vətəndaşlara qayıdış şəhadətnaməsinin verilmə vaxtı açıqlandı

Baş nazir Artur Rasizadə Nazirlər Kabinetinin qərarı ilə təsdiq edilmiş "Azərbaycan Respublikasına qayıdış şəhadətnaməsinin blanklarının ciddi hesabat sənədi kimi uçotu Qaydaları"nda dəyişiklik edilməsi haqqında" qərarda dəyişiklik edib. Bu barədə Lent.az-a Nazirlər Kabinetindən məlumat verilib.

Dəyişikliklərə əsasən, şəxsiyyət vəsiqəsi itmiş, oğurlanmış və ya yararsız hala düşmüş, həmçinin şəxsiyyət vəsiqəsinin etibarlılıq müddəti bitmiş Azərbaycan vətəndaşına qayıdış şəhadətnaməsinin verilməsinə 2015-ci il yanvarın 1-dən başlanacaq.