Bakıda və Abşeron yarımadasında sentyabrın 12-də hava şəraitinin əsasən dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentindən Lent.az-a verilən məlumata görə, şimal küləyi axşama doğru arabir güclənəcək. Havanın temperaturu gecə 21-25 gündüz 29-34 dərəcə arasında olacaq.
Sabah Azərbaycanın rayonlarında hava şəraitinin gündüz əsasən yağmursuz olacağı ehtimal olunur. Lakin axşama doğru dağlıq və dağətəyi rayonlarda şimşək çaxacağı, yağış yağacağı gözlənilir. Qərb küləyi əsəcək. Axşama doğru arabir güclənəcək. Aran rayonlarında havanın temperaturu gecə 19-24, gündüz 32-37 dərəcə arasında olacaq. Dağlarda temperatur gecə 10-15, gündüz 23-28 dərəcə təşkil edəcək.
Tibbi-meteoroloji proqnoza əsasən, yaxın 2 gün ərzində Abşeron yarımadasında arabir güclənən şimal küləyi əksər meteohəssas insanlar üçün müsbət amildir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
