Sabah güclü külək əsəcək

Bakıda və Abşeron yarımadasında oktyabrın 7-də buludlu hava şəraitinin üstünlük təşkil edəcəyi, arabir yağış yağacağı gözlənilir.

Ekologiya və Təbii Sərvətlər Nazirliyindən Lent.az-a verilən məlumata görə, şimal-qərb küləyi əsəcək və güclənəcək. Havanın temperaturu gecə və gündüz 11-16 dərəcə isti olacaq.

Azərbaycanın rayonlarında sabah arabir yağış yağacağı, bəzi yerlərdə intensivləşəcəyi gözlənilir. Qərb küləyi əsəcək, ayrı-ayrı yerlərdə güclənəcək. Havanın temperaturu gecə 10-14, gündüz 14-19, dağlarda gecə 1-5, gündüz 5-8 dərəcə isti olacaq.

Oktyabrın 7-də Abşeron rayonunda şimal-qərb küləyinin güclənməsi, atmosfer təzyiqinin yüksələcəyi gözlənilir ki, bu da əksər meteohəssas insanlarda diskomfort hissi yarada bilər.