İTV-də kütləvi işdən çıxarılma- YENİLƏNİB

Bu gün İctimai Televiziyanın bir qrup əməkdaşı işdən çıxarılıb.

Belə ki, televiziyanın ictimaiyyətlə əlaqələr departamentinin rəhbəri Tahir Məmmədov, ictimaiyyətlə əlaqələr departamentinin direktor müavini Pərvanə Süleymanova, həmçinin bu ilin sentyabrına kimi İTV-nin informasiya departamentinin direktoru olmuş və daha sonra vəzifəsi aşağı salınaraq şərhçi kimi fəaliyyət göstərən İlham Sərxanlı işdən azad olunublar.

İşdən çıxarılanlar arasında “Carçıfilm” Yaradıcılıq Birliyində direktor müavini kimi çalışan Qərənfil Xəlilova da var.

Qeyd edək ki, işdən çıxarılanlar özləri istefa verdiklərini bildirirlər.

***

İTV-dən işdən çıxarılanlar siyahısına yeniləri əlavə olunub.

İTV-nin Türkiyə müxbiri Rəhimə Mirzəyeva, operator Dilqəm Mirzəyev, “Carçı-film” Yaradıcılıq Birliyinin böyük redakroru Anar Məmmədov, telekanalın Aran bölgəsi üzrə müxbiri Əminə Rəhimova, Gəncə müxbiri Vaqif Tanrıverdiyevdir.

Bu arada AzNews.az-a analitik proqramlar departamentinin direktoru Füzuli İsmayılovun işdən çıxarılmasının səbəbləri məlum olub. Mənbə bildirir ki, onun işdən çıxarılması Cəmil Quliyevin müavini Şaiq Məmmədovla aralarında yaranan problem olub.

Şaiq Məmmədov əvvəlcə onun müəllifi olduğu “Yekun” analitik proqramınıın aparıcılığına yiyələnib, sonra isə İTV-dən çıxarılmasına müvəffəq olub.

aznews.az