Məşhur aktyor, prodüser və “Oskar” mükafatı laureatı Robert De Niro Bakıda “Nobu” şəbəkəsinin restoranını açmağı planlaşdırır. Lent.az-ın trendyvivo.com-a istinadən verdiyi məlumata görə, De Niro bildirib ki, o, indiyədək bircə dəfə də Bakıda olmayıb. “Amma şəhəriniz haqqında çox eşitmişəm. Mənə deyiblər ki, Bakı çox gözəldir”.
Aktyor onu da qeyd edib ki, vaxtını hələ tam dəqiqləşdirməsə də, amma tezliklə Bakıya gələcək və bu planı gerçəkləşdirəcək.
Xatırladaq ki, Hollivud ulduzu Robert De Niro bir qədər əvvəl yapon aşpaz Nobu Matsuxisa ilə birgə Moskvada yerləşən və azərbaycanlı milyarder Araz Ağalarova məxsus "Crocus City Mall"da məşhur "Nobu" şəbəkəsinin restoranını açmışdı.
Xatırladaq ki, ilk "Nobu" restoranı 1994-cü ildə Nyu-Yorkda açılıb. Hazırda "Nobu" imperiyasına 28 şəhərdə - London, Las-Veqas, Melburn, Tokio, Pekin, Mayami və s. 33 restoran daxildir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
