Firudun Qurbanov Fransanın təhsil naziri ilə görüşüb

Təhsil nazirinin müavini Firudin Qurbanovun rəhbərlik etdiyi nümayəndə heyətinin Avropa Ali Təhsil Məkanı nazirlərinin konfransı və Bolonya Siyasəti Forumunda iştirak etmək məqsədi ilə Fransanın Paris şəhərinə rəsmi səfəri davam edir.

Təəhsil Nazirliyindən Lent.az-a verilən xəbərə görə, səfər çərçivəsində Firudin Qurbanov Fransa Respublikasının ali təhsil, tədqiqat və innovasiyalar naziri Frederik Vidalla görüşüb. Görüşdə Azərbaycan və Fransa arasında mövcud təhsil əlaqələrinin genişləndirilməsi, ikili diplom proqramlarının yaradılması, sosial elmlər sahəsində əməkdaşlığın genişləndirilməsi, birgə tədqiqat proqramlarının və nəşlərin həyata keçirilməsi müzakirə olunub. Müzakirələr zamanı əvvəllər də uğurla təşkil olunmuş Azərbaycan-Fransa universitetlərarası forumunun keçirilməsinin davam etdirilməsi təşəbbüsü irəli sürülüb.

Nazir müavini Rumıniyanın milli təhsil naziri Valentin Popa və Belarus Respublikasının təhsil naziri İqor Karpenko ilə də ikitərəfli görüşlər keçirib. Görüşlər zamanı təhsil sahəsində əlaqələrin cari vəziyyəti və inkişafı, o cümlədən ölkələrimizin ali təhsil müəssisələri arasında əməkdaşlıq perspektivləri müzakirə edilib.