Azərbaycan Milli Elmlər Akademiyası (AMEA) Dilçilik İnstitutunun rəhbərliyində dəyişikliklər edilib.
APA-nın xəbərinə görə, AMEA Rəyasət Heyətinin bu gün keçirilən iclasında AMEA Nəsimi adına Dilçilik İnstitutunun direktor vəzifəsini icra edən yeni şəxs təyin olunub. Belə ki, filologiya üzrə elmlər doktoru, professor Fəxrəddin Veysəllinin Dilçilik İnstitutunda direktor vəzifəsinin icraçısı səlahiyyətləri dayandırılıb. Elmi işlər üzrə direktor müavini, filologiya üzrə elmlər doktoru, professor Məsud Mahmudov isə vəzifəsindən azad edilib.
Akademiyanın elmi müəssisə və təşkilatlarında direktor seçkiləri keçirilənədək instituta müvəqqəti rəhbərlik AMEA-nın müxbir üzvü Tofiq Hacıyevə həvalə olunub. Filologiya üzrə elmlər doktoru Məhəbbət Mirzəliyeva isə müəssisənin elmi işlər üzrə direktor müavini təyin edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
